Vrie es ein veugelke

Tekst: 
Thieu Stauder
Muziek: 
Irene Kusters
Artiest: 
Wiel Nakken
Album: 
Plaats: 
Grevenbicht
Jaartal: 
2006

Refrein:
Ich bèn zòa vrie... es ein veugelke,
es ein veugelke, es ein veugelke.
Ich bèn zòa vrie... es ein veugelke,
es ein veugelke zòa vrie!
Want ich hoof noe neet mjië nao de baas,
höb alle tied om vèsj te vange aan de maas.
Noe bèn ich vrie... es ein veugelke,
oetgelaote en zòa blie!

Hoof neet mjië vreug op te staon
want ich bèn gaon vutte.
Spooje is d'r neet mjië bie,
kèn röstig blieve tutte.
Es 't boete kawt is laes ich effe de gezèt
mer geit 't zunke sjiene staon ich drek naeve mien bèd!

's Middes pak ich mich de fits
maak mien eige rundje.
Hiej en dao get klaanjere
en kuite mit mien hundje.
Effe op ei benkske zitte midden in 't veldj,
ich wil mit nemes ruule, nei, mit nemes väör gein geldj!

's Aoves zit ich aan d'n tap,
drènk ei lekker dröpke.
Mit de men get kaarte
tot ich meug waer in mien köpke.
Gaon ich op de kòaj aan en ich kiek waal wie 't löp.
Ich bèn zòa blie dat ich d'n tied noe aan mien eige höb!