Liedje oet de Echter Revue van 2003 'Ech, wie se bös'

't spel is oppe wage, ederein stuit klaor
Weer lete uch weer wachte.
't doerde weer twieë jaor.
Mer alles stuit noe vaerdig, leech geluid decor.
'Ech wie se bös', hètj oos revue dit jaor.

Refrein:
Bös doe wie wie se zaes det se bös?
Duis doe waat se zaes det se duis?
Kèns doe waem se zaes det se kèns?
Stuis doe woo se zaes det se stuis?
Weer zeen baeretrots.
Voila mevrouw meniëer!
Dit is 'Ech, wie se bös',
Revue in Ech, de viefdje kiaer.

Minse mót geer hueëre, weer zeen weer begós.
't Haet effe gedoerdj, ieër ich alle tekste kós.
Mer alles stuit noe vaerdig, leech geluid decor.
'Ech wie se bös', hètj oos revue dit jaor.

Minse mót geer kieke, kiek nao 't totaal,
Kiek nao dit theater, nao oze eige zaal.
Jao alles stuit weer vaerdig, leech geluid decor.
'Ech, wie se bös', hètj oos revue dit jaor.