't wesjmesjien

Tekst: 
Piet Sanders
Muziek: 
Piet Sanders
Artiest: 
Piet Sanders
Plaats: 
Susteren

Mien vrouw sjpaarde veur ’n wesjmesjien
zoa hauw ze mich gezag
Elk kwartje eder dubbeltje
troe nao de bank gebrach
Mer taenge d’n tied van karneval
kreeg ze de kriebels in ’t blood
sloge biej häör de sjtoppe door
En zag: det auwt det wesj nog good

Refrein:
Ich koup mich eine retteketet
en veur dich eine hoempapa
Weer blaoze de ganse
do-r-mi-de fa-de sol-de la-
Zoa trèkke weer de sjtraote door
Sjing boem ta da ra ta ta (bis)

Ze pakde zich den hood en jas
en sjtapde nao de bank
Gaef geer mich al mien centjes mèr
en den zeet geer bedank
Wat mót ich mit è wesjmesjien
gaef mich mer karneval
Sjmaondes mit d’n optoch mit
en saoves nao ‘t bal

Esjgoonsdig wore weer oetgeraos
en wore de cente op
Alles wat ós euver bleef
det woor ‘ne zjwaore kop
De retteketet, d’n hoempapa,
oug meug van alle kal,
rösten oet tot ’t volgend jaor
tot de volgende karneval