In deze tied van de resessie waerd d'n optoch ein processie..... jao, jao
De pestoor dae lop veurop es prins mit vaere oppe kop..... och nae
Mesdeenders zeen de raod van elf, 'g weet 't zeker, zoog 't zellef..... nae, nae
Gardemaedjes zeen os nonne, vastelaovend is begonne..... jao, jao

ich zek 1.....1.....ich zek 2.....2.....ich zek 3.....3
ich zek 3 daag, 3 daag geit de hemel aope
ich zek 3 daag, 3 daag kin'se neet meer sjlaope
Es 't hemel wurd op aerd, is 't laeve alles waerd,
3 daag hob'se maar de tied
3 daag, van de morge toet d'n aovend
ich zek 3 daag, doert veur os de vastelaovend
3 daag dreijt me in ein kolk, laef me 3 daag op ein wolk
Nao 3 daag, dan is 't weer veurbiej

Jao mit dees daag vervilt de mis, es 't vastelaovend is.... jao, jao
Kirk zo hit noe os kafee, gebiech det wurd oppe w.c... och nae
Ein absolutie geit heel rap, door eine herder aan de tap.. nae, nae
van handj toet handj geit dao 't beer, 3 daag lank is dao plezeer heer.. jao, jao

Ich zek uch noe jao beste luuj, dit geveul is os neet nuuj.. nae, nae
Kirk, 't geluif, dit sjoon festijn, 't liek toch allemaol opein.. jao, jao
En zeen dees drie daag sjtraks veurbiej, gaen veer same ziej aan ziej.. jao, jao
Laef 't laeve, 't is 't waerd, maak uch de hemel op dees aerd.. jao, jao