Refrein:
Ik heb al 33 daag de vastelaovend in de kop
En det duit pien
Det duit zôn pien
Ik bin zoë bang det alles veurdet ‘t begint al is gestop
Det zoel waat zien
Det zoel waat zien
Vruuger waas ‘t nog in dreej daag te behappe
Maar op vandaag môsse vanaaf kersaovend
Waeke op de lappe
Drek is alle joeksigheid al op!
Ik heb al 33 daag
Ein stök in miene kraag
En de vastelaovend in de kop

Dan waer ik ‘s morges wakker
Dan zit ik vol met joeks
Dan veul ik det daen dagelikse
sleur wuurt weggeboeks
Dan kös ik eeder muulke
En zing zoë wie belaof
‘Hallo, hallo, ‘t is weer...’
maar waat zeen ik in d’n haof?
De kersbaum steit d’r nog,
de lempkes brande, ôch,
ik wil de gansen tiéd al
maar ‘t is nog neet zoë wiéd

Dan bin ik ‘nt studeere
Dan liér ik weer waat slums
Maar wie ik auk probeer d’r pas heej
niks mier in d’n bums
Daen bums zit vol met leedjes
Met lol en met plezeer
Ik goëj mien beuk d’n haard in
en ik zing: ‘Wao gaon we haer?’
Maar baove klink gekraak,
d’n huijbaard op ‘t daak,
Ik wil de gansen tiéd al
maar ‘t is nog neet zoë wiéd!

Volgend jaor dan velt de vastelaovend lekker laat
Dan zit d’r nao die dreejendertig daag inens ein gaat
Ein gaat det ik môt völle, anders geit ‘t strakkes mis!
Dus doon ik elf daag asof ‘t vastelaovend is