Refrein:
Aan de gang, aan de gang met miene rammelesjang.
Hé geit van hie noa doa, ver goon em achternoa.
Aan de gang aan de gang met miene rammelesjang.
Dat dink, dat hilt os aan de gang.
Zwa goon ver rammelentère door de sjtroate,
zonder de rammelesjang veul ich mich zwa verloate.
Aan de gang, aan de gang met miene rammelesjang,
Dat dink, dat hilt os aan de gang.

De vasteloavend is een fjes, dat bol steit van muziek.
En eeder hèt een instrument, of get wat doa op liek.
Mé ich hup get dat is apaart, er zit aan enne sjtek.
Kom loester, kiek en doot mer met, hé maak os knettergek.

Et `s murreges begint et al, ich trèk van hot noa haar.
Dat dink van mich, dat maak kabaal, et liek waal een fanfaar.
Hé hèt gein auge, en gein naas, aug wjerre kint er neet,
me rammele des te beter daarom zinge veer dit leed.