Alaaf

Tekst: 
Jan Vaes
Muziek: 
Ronald Moonen
Artiest: 
Ton Smeets, Ronald Moonen en Ruud Theunissen
Album: 
Plaats: 
Weert
Jaartal: 
2008

De buurmân beej os naeve,
és oeëze nowwe prîns
Weem kan hem antwoeërd gave,
Op ziene groeëte wîns
Met vastelaovundj zieëte,
ruptj ederein alaaf
As prîns wil ich gaer wieëte,
woeë kûmptj alaaf vanaaf?

Refrein:
Alaaf, alaaf, alaaf,
woeë kûmptj alaaf vanaaf?
alaaf, alaaf, alaaf,
det vraoge vae os aaf
Weem és daomej begonne,
weem hieët dae groet bedachtj?
Weem hieët alaaf verzonne,
weem hieët det oetgebrachtj?
Det vraoge vae os aaf,
woeë kûmptj alaaf vanaaf?

Kujjae os det verklaore,
vraoge vae aanne vorst
Want gae rooptj heej al jaore,
Alaaf oet volle borst
Hae kos d'r niks van zégke,
dao és gein zieëkerheid
't véltj neet oet te légke,
umdet 't nemes weît

Alaaf blieftj ieëwig klînke,
woeërum det weît gei mins
Dao mojje neet beej dînke,
zag oeëze aoje prîns
Vae bliêve daorum rope,
Alaaf mét 'n bli-j stum
Vae bliêve daobeej hoeëpe,
det emes weît woeërum