Wae ein jäörke baas waas, van 't Jocusriëk,
zoog ein prinselaeve lank, maskes en meziëk.
Braaf wie einen hoëgheid, zoot hae op daen troën,
maar noow met 't prinsekruuts, spant hae toch de kroën.

Refrein:
Noow kiëk die prinse veur de voot, waat deej det prinsejaor eur good.
Want al det klatergold waat blônk, det hild ald prinse iëwig jônk.
En wae d'n indstreep haet gehaold, dae krieg ein prinsekruuts det straolt.
En uig, de letste is de netste van 't ganse stel, dae sluut achteraan de rie.
En uig, de letste is de netste van 't ganse stel, want dae is nog splinternie.

Waat ald prinse winse, idder jaor opnie,
det de nieje prins zich veug, in eur kômpenie.
Wuurt 't eine kwante, duit hae good zien bès,
dan meug hae hiel astebleef, meidoon met de rès.

Is ein jaor verstreeke, geit de prins neet aaf.
Hae kump beej 't prinsekruuts, en blief altiëd braaf.
In dae prinsenhemel, geit zien laeve door.
Auk zien foto in 't groët, hink dao aan de moor.