Enne minsj wurt neet gebaore óm allein te zeen
Nae, dat maakste mich neet wies
’t Is jederein besjaore ónger vrunj te zeen
En die geufste auch neet pries
’t Is neet ummer roazegeur en maonesjien
Me geit zao gaer ’ns ziene eige gank
Mit carnaval deit jeder water biej de wien
Dan heuèrste in Gelaen weer driej daag lank!

Refrein:
Allein bèsse niks
Biejein bèsse alles!
En es et carnaval is
Dan gaon veer handj in handj
Allein bèsse niks
Biejein bèsse alles!
En es et carnaval is
Greujt ummer ózze bandj

De ganse Waereldsjtad die is weer oppe bein
Jao, noe kiek ’ns óm dich haer
Et feès van carnaval dat brunk Gelaen biejein
En dat zeen veer toch zoa gaer
Ofste Swentibolder, Flaaris, Uul of Sjoutvot bès
Of Kraonkelaer, dat maak toch gaar niks oet
Es veer samegaon wurt alles weer ’n groat sukses
Mit carnaval dan zungk de de ganse boet!