Allemól wazel

Tekst: 
Fun Sijbers
Muziek: 
Otto Koolen
Artiest: 
't Groeët Roojs Kabaal Ensemble Vurhin De Waerkéls
Album: 
'Vastelaovend ien Rooj 2002-2003' - Markant Studio's
Plaats: 
Venray
Jaartal: 
2002

Refrein:
Wat enne wazel man.
Dat is toch flaowe kul.
De helft dat is kwats,
en de rest dat is gela.

Wìj wazele en wáwwele, 't liefste vur òs hin.
Went mit wat schaele wazel, kriegde lichteg goeje zin.

Mit de vastelaovesdaag, dan kumt d'n tied van kwats.
En kunde dat nie volge, dan zitte ien de rats.

De prins is génnen aechte, már toch is hìj d'n baas,
Hét 't driej daag vur 't zegge, regieërt ovver d'n haas.
En hìj trowt òp dinsdág, d'n boër en de boërin,
die gaar nie same bliëve, wat hét dat nòw vur zin ?

D'n haas trekt dur de velde en gaar nie dur de straot,
heldt nie van al die drukte en dânst nie ien de maot.
Már wìj spitse de oeëre, wel driej daag án 'n stuk,
en viëre vastelaovend, wat hebbe wìj geluk.