Refrein:
Dus laot óg allemaol
Laot uch alleney èns effe heure
Allemaol
Maar dan geit ‘t heej ouk ech gebeure
Wieväöl gekke dialekte zeen hie waal?
Es al die tale in de zaal ‘t Limburgs kleure
Allemaol
Gaon weej same met dit leedje aan de haol

Ich wil ein leidje gaon brènge
mer zònger haajebaaj
Gaef mich ‘ne vent dae kin zinge
en genne tadewaa
Ouch leever neit mit ein kraaktuut
of mit ein wauweltrien
Mer mit dich en mich
det zoel wat zien.

Wae wilt de buun op en knalle
met eine vètkedee?
Gaef mich ein meid die kènt sjalle
mer dan gein nienevee
Ouk leever neet zô’ne druuëge
of eine kwazelaer
Aan ‘m noe dao
gaon we same haer.

Biemermiete, iepekriete,
tuint uch alleney
Ozelaere, doedelaere,
zing maar met ós mei.
Gaon weej same met dit leedje,
Met de vastelaovend
dreej daag aan de haol!