Refrein:
Veer haole noe... alles oet de kas!
Hiej komme veer... haaj uch noe maar vas!
Van Munsterkirk toet aan de Kathedraal,
heurt geer tam-tam, meziek en väöl kabaal!!
Veer haole noe... alles oet de kas!
Hiej komme veer... haj uch noe maar vas!
Van Sjtasieplein toet aan de Sjteinebrök,
toet aan 't Zjwartbrook en weer trök!

Heel 't jaor bön ich zo'n tiepke, doe zuus mich nog neet sjtaon.
Maar mit de vastelaovend, laot ich 'm richtig gaon!
(Jao) dan kleur ich mich de haore, get sjmienk op 't gezich.
(Jong) laot mich maar lekker sjuuve en ich zegk taege dich :

En kumse mich dan taege en kinn'se mich dan neet?
Doe waas toch zo verlaege? Zings noe 't hoogste leed?
Det duit de vastelaovend, dae kruup in mien gemoot.
Jong, laot mich maar gewaere; 't zit mich in 't blood.

En later in 't Godshoes kieks doe mich vraogend aan.
Doe dinks: Waas det det maedje? Ging det zo duchtig draan?
Doe kieks mich in de auge en zuus ein heel klein traon.
Maar dan heur ich die träöte en gaon ich rechop sjtaon.