Refrein:
Alles veur het menke, jao, zoë mot ut zien.
Vruiwke meug neet schelde, det duit het menke pien.
Zörg good veur zien aete, sigaerke en de krant.
Gank um altied taege, mit ein kösmoel en ein hand.

Maedje geiste trouwe, volg dan mienen raod.
't Zal dich noëts berouwe in dienen huweliks-staot.
Zörg des te kins stoppe, kaoke en op tied,
't menke zien piepke stoppe, dan raaks te um noëts kwiet

Kump hae 'saoves van 't werk, zit de praos um klaor,
lik, veur det hae 't merk, krant en piepke klaor.
Bin toch neet te hörtig, noeits het letste waord.
Is hae dan ens dörstig, schink um in ein maot.

Haet hae oet zien krentje, piepke lekker op,
steur dan oet dien ventje, dich stops ziene sok.
Kump hae thoes wat later en ein bietje zat,
voor um dan schoën water mit eine scheut conjac.