D'r 11de van d'r 11de , dan is 't werm zoeë wiet,
Iech veul 't rich'tig krieb'bele, iech bin miech zelver kwiet.
Wat streuf iech miech ens aa ja ja, wat hängt nog in mieng kas,
Iech kiek ens hei, wat zien iech doa, enne ouwe roe'te jas.

Refrein:
Mit vasteloavend is miech alles jans ejaal,
Mit die drei daag ving iech óch alles ram normaal.
Han iech de bóks tse kót of laöcher in d'r jas,
Mit vastelovend drieënt ziech alles um de sjpas.
Han iech de bóks tse kót of laöcher in d'r jas,
Mit vastelovend drieënt ziech alles um de sjpas.

Die drei dol daag zunt noen bauw doa, 't doert ja veul tse lang,
Iech han 't navelzoese, han miech nit mieë in de hank.
Wat zets iech miech ens op d'r kop, iech wees 't nit zoeë jód,
Iech kiek ens hei, wat likt da doa, enne vieze vlid'diege hód.

De narretsiet die is noen doa, d'r kloon in sjun jesjtieft,
Iech sjtreuf'm miech ens aa ja ja, ens kieke wat dat jieft,
D'r sjpei'el weëd d'r bei jesjleeft, iech sjrek en dink mein jod,
Iech kiek ens hei,wat zien iech doa, mieng bóks is veul tse kót.