Refrein:
Weej gaon in Limburg op paad
En kômme altiéd te laat
Halverwaege löp ut doëd
Want ut stoplich steit op roëd
Hoe kômme weej now op tiéd
Weej zien de waeg toch gans kwiét
Vur d’n tunnel, vur ut gaat
En kômme altiéd te laat

Die oét ut noorde ginge is oét stappe
En woeje in Mestrich en fiësje aaf gaon trappe
D’n 11de vân d’n 11de, want dât is ut begin
De vastenaovesviérder, dae krieg dân gôjje zin.

Mâr wât ze nag ni wiste,
wât is d’r aan de hand
Zeej stônde halverwaege,
beej Swalme aan de kant

Die oét ut zuúje môste vroeg oét de veere
En woeje in Venlo, zich good gaon amezaere
De Zoepkoel ôf Parade, ut begin vân dees dol daag
De vastenaovesvierder, krieg kriebels in zien maag.

Mâr wât ze nag ni wiste,
ut zoot eur ech ni meij
Zeej stônde halverwaege,
beej Herte in de wei