Refrein:
Det is artiesteblood, det is artiesteblood.
Det guf ós altied nuje mood, det maak die kleine dinger groot.
Det is artiesteblood, det is artiesteblood.
As veer hie veur uch kinne sjtaon, zegke veer... gaer gedaon!!!

Waat duit ós toch zo drieve, van sjmorges vreug toet laat.
Veer kinne nörges blieve, want dreie mót det raad!
Det mós se kinne sjnappe, op 't moment det ich det zek.
Waat kriebelt in ós blood is gek, maar lang nog neet zo gek.

Veer weite waal verrekkes good, wo veer mit bezig zeen.
Det maske is ein maske, och zo höbbe veer d'r teen!
Maar wieväöl zeen d'r ouch neet mit ein maske oppe kop,
wo veer gaar neet van weite, haet dae ouch zo'n dink ein op!

As veer de planke ruke, gaon veer door ein driesjteins moer.
Waem zaet dao 'ich höb geine zin', waem kiek dao aeve zoer.
Veer gaeve ós zo good 't kint want det is waat ós drief.
Artiesteblood is waat ós altied achtervolge blief.