Refrein:
Auwt-Gelaen viert vastelaovend
Auwt-Gelaen haet ziene zin
Auwt-Gelaen zunk deze aovend
De vastelaovend is weer in

D’n Uulezjwerm is hiej biejein
Uulinnekes en Uule
Ze make sjpas zoa óngerein
Ze wille gaar neet rule
Hun maske op, et pekske aan
Get sjmink in et gezich
Zoa geit dat in ós Uuledörp
Veur niks wurd nog gezjwich

Al kriege veer dan minder drank
Veur auto en veur moter
En höb v’r daodoor minder sjtank
En sjmeer veer dun de boter
Veer make lol en väöl plezeer
Veer hauwte goje mood
Veer tenke ós ei glaeske beer
Dat zit ós in et blood