Refrein:
In 't törp en op de Baan hingk de vastelaoves-vaan.
Van de Kwattel tot de kirk wurd dees daag dan neet gewirk.
Van de Koel tot op de Platsj, euv'ral huèrste Baeker kwatsj.
Van d'n Oàkel tot de Sjtaasje, euv'ral Baeker allegaasje.

Vastelaovend is de bèste kuur, nao drie daag höbbe veer nog ammezjuur.
Waeke höb veer pekskes zitte nièje, noe kèn veer zènge, sjprènge, danse, drièje.
Neemes blif mit vastelaovend thoes en dae geit ouch neet te vreug nao hoes.
Want alle echte Baeker Pottentaote, die hauwte vastelaovend in de sjtraote.

Sóndes zuuste kènjer op eed'ren hook, mit gans get nuuts of in 'n hièl auw
brook.
Sjmaondes zèt veer zelf ós masker op, verkleid es kloen of mit 'nne verkeskop.
Sjteendes maak veer eine houp kebaal, mit tróm of kwetsjbuul, dat is jao egaal.
Want alle echte Baeker Pottentaote, die hauwte vastelaovend in de sjtraote.