Baer zout in de eesjte klas, waar nog neit erreg Biebel vas.
Meister zag: ' Oet Adams rub sjprong doe Eva, hup, hup, hup.'
Baerke sjtouk de vinger op, hae reip: ' Meister, meister, sjtop.
Mien zie pitsj mig , kom ens gauw, ich geluif ich krieg ein vrouw'.

Refrein:
Luukes, luukes, ach, ach, ache, mot me kriesje, mot me lache.
Luukes, luukes, weit 't dan, dat 't nog vööl erger kan.

Dao klonk eine helle kaek, ein madam veil in de baek.
Eine jong dae sjprong höör nao, haolt höör d'roet, waat zuut hae dao?
Hae kik en hae zuut besjlis, dat 't zien sjoonmooder is.
Dan vilt hööm get geistigs in en hae sjmit ze vlot weijer d'rin.

's Zondigs 's aoves woort 't laat, pap en mam die woorte zaat.
Mam doug 's maondigs vruig de wesj, zie zoug oet wie ein auw besj.
Mam sjnapde 't beddelaake, doe pas heurde zie 'm kwaake:
'Maria doe deis mig pien!', pap loug mit in 't wesjmesjien.