Geld en waord die ik nog noeit had gehuurd,
op zo'nnen toen waovanse dinks 'rot toch op'.
Deur en hoeg doon, en deep wille gaon,
met zo'nnen euverdreeve serieuze kop.

Schande spraeke van iets onbekinds,
en diskussies euver oorlog en pien.
Ingetaoge, de lach neet te breid,
ut liek soms waal asof ze tien jaor alder zien.

En viere ze dan fees, dan laote ze zich gaon.
Maar auk weer neet tevuul, ze motte rechop blieve staon !

Baove de groete riviere is ut gen fees um te zien.
Ze kinne nog waat van os liere, dao baove de Maas en de Rien.
Baove de groete riviere kump genne Limburger gaer,
We laote de touwe waat viere en vaare d'r zachjes umhaer ...

Profilere, polonaisere,
en ein grapje meug neet al te kwetsend zien.
Kin umhoeg, baeter as de res,
en op de tied waat kaviaar en Franse wien.

Maar ik zeg og, te melde hebbe ze niks.
De kaf is deur maar d'r steit weinig in ut book.
Ze veule zich, maar baeter zien ze neet,
dan welke boer dan auk beej os thoes um de hook.

Ze lache os waal oet, en zeen zichzelluf gaer,
maar det mak os niks oet, dao prikke weej doorhaer !