refrein
kebab en pizza en friet, heer heet alles
veer koume gere Bij Öşkan Vanalles
edere vriedag daan is d’r boekdans-show
en este wèls daan heer ’r tête-de-veau

heer kaom oet Turkije, waor dao boer op ’t land
e paar jaor geleie, kaom heer nao dit kwakkerland
op zeuk nao e bäönsje in e sterre-restaurant
’t liefs in de keuke es de kok z’n rechterhand

heer kaom in de keuke bij Beluga langs de Maos
Öşkan voont ’t geweldeg al dat sterregeraos
meh toch kreeg heer twiefels, want heer waor ’ne boer vaan stand
en druimde daag en nach vaan ’n eige restaurant

Öşkan voont e leuk zaakske in ’t midde vaan de stad
heer dach: iech kook vaan alles, get vaan dit en get vaan dat
get Törks, get Spaons, heer kook alles in dee kraom
“Bij Öşkan Vanalles” waor al gaw ziene naom

meh zeet eve stèl
vertèl dit neet wijer
want wat iech zègke wèl
dat maak häöm zeker blijer
want Öşkan wèt nog neet
tot heer ’n ster gekrege heet