Circustent

Tekst: 
Jos Otermans
Muziek: 
Mel. 'Alpinfest' (Euro Band Australia)
Artiest: 
't Gröb-Uule Trio
Plaats: 
Schinnen

Soms hink men gear de kloon 'ns oét, sjpeelt men gear 'ns get mit vuur
Eine zeuk òntsjpanning op, de angere avontuur
Ederein dea deit 't toch, 't leefs op zien maneer
Dat maak in feite gaar niks oét, 't geit òm 't plezeer

Refrein:
Veer leave in, ein circustent
Ederein is in zien rol present
Veer doon gewoon, dat wat veer doon
Al bès ze akrobaat, goochelear of kloon
Veer leave in, ein circustent
Alles dreajt toch òm amusement
Joa zo sjloan veer oos waal door 't leave heen
't Zal altiéd, ein circus zeen

't Leave is ein circus, joa, dat is wat men vreuger zag
't Is ein wiés gezèkde, doa is euver noagedach
Ederein dea deit 't toch, zo wie 't heum bevilt
't Maak in feite gaar niks oét, men deit toch wat men wilt

Veer leave in ein circustent
Alles dreajt toch òm amusement
Joa zo sjloan veer oos waal door 't leave heen
't Zal altiéd ein circus zeen
Joa zo sjloan veer oos waal door 't leave heen
't Zal altiéd ein circus zeen