Refring:
D'r Wink, d'r Wink, d'r Wink, woa vreuger al bekant.
Dae haat zich inne naam gemakt, dae geet va land noa land.

Saer Lucius, in zien leeme hut, 'n kroeëk hieë haat gemakt.
Haat Coriovallum Heële noe, d'r wien, 't beer gesjmak.
Romeine koamen drom al gaer noa osse sjoeëne sjtad.
Poekelde zich ongeraen hieë in os thermebad.
Vuür te druuge ginne handdook doa, dat sjnapt toch jieëker kinjd.
Joa, die druügde zich va kop bis voot aan osse eigen Heëlesje Wink.

Geschichte oet os Heëlesj land, die huure vier zoe gaer.
Wie sjoeën 't vreuger hieë al woar, iert jieëkere Heelenaer.
Pankratius, d'r Sjelmetoer en osse Lange Jan,
d'r Kueb, d'r Aombusj en de Koeël hange väöl verhoale aa.
Noe 't hart va der Euregio, 'n centrumsjtad die sjwingt,
vier zint bekant in de ganse welt, dat kumt durch osse Heëlesje Wink.