Ich vroag d'r wink, mè deë versjteet mich nit
Ich vroag de zië, die numt her antwoord mit
Geëf mich de nacht, dan han ich oongerdaak
Doarum zeeng ich

Ich zië de vuëgel teëge de oavendloch
Uëverdink mie leëve, woë bleef ‘t toch
Geëf mich de nach, dan han ich oongerdaak
Doarum, doarum zeeng ich

Ich weet d'r is inne tied van koome
En ooch inne tied van goa
En alles wat doa tussje ligt
Ja, dat is mien besjtoa

Vuur d'r inne doert 't leëve te kot
Vuur d'r angere vôel te lang
D'r inne is blie es 't zoë wied is
En d'r angere deë is bang

Ich mis dich nit mië bij mich binne
Ich huiver van de kou
En in mieng miensjelikheed vroag ich mich aaf
Woërum zoë jonk, zoë gauw

Soms veul ich mich gelukkigEn dan haang ich aan mien besjtoa
Dan zeeng ich mit de vuëgel mit
En ich lach teëge de moan

Dan zitte v’r saame binne
Ich zet alle klokke sjtil
Mè ich weet dat dat nit gebuère geet
Wie geer ich ‘t ooch wil

‘t Geluk liekt soms zoë gans kot bij
Dan dink ich dat 't 'r is
Mè in mieng eegewiesheed
Griep ich ummer mis...mis...mis

Ich weet d'r is inne tied van koome
En ooch inne tied van goa
En alles wat doa tussje ligt
Ja dat is os besjtoa