Dat giet ut alling in Heële

Tekst: 
O. Hellenbrand-Smedts
Muziek: 
O. Hellenbrand-Smedts
Artiest: 
Olga Hellenbrand
Album: 
Plaats: 
Heerlen
Jaartal: 
1998

Refring:
Dat giet ut alling in Heële, in Heële, mieng eege sjtad.
Doa zal ich mich noeëts verveële, doa is waal ummer wat.
Te doen mit 't vasteloavend fes, ze vinge ut 'cool en gaaf'.
Mer inne van Heële, deè wit ut bes, vier zigge in Heële 'alaaf'.

Ich ving ut mit de vasteloavend jieker joar wer truuk.
Ich wìt mit de Heëlesje carnaval gans knettergek, verruuk.
Ich zien ze wer, ich huur ze wer, bei os op jiekere ek.
Un sjpaskapel of einzelgänger, un kloonegroep of vasteloavendgek.

Ut makt neet oet mit vasteloavend, wie me is verkleid.
Geit noa ut cafe of auw wieverbal, 't is zieker dat ut sjteit.
Un maske, clownenaas of pruuk, un sjpaskapellejas of frak.
Mit trom of zelfs een bombardon, mit de vasteloavend gooie zin op zak.