De burgemeister

Refrein:
de burger dae haet noe weer loel, loef, loef
in grevenbich dao waor ut zoef, zoef, zoef
in sjènne kaom hae doe van roef, roef, roef
maer zag oef, oef, oef
mit völ loef, loef, loef
de burger dae haet noe weer loef, loef, loef
in grevenbich dao waor ut zoef, zoef, zoef
in sjènne kaom hae doe van roef, roef, roef
mae zag oef, oef, oef
mit loef.

hae is in sustere gebaore
waor de tweéde poet van drie
en nao tweé en vieftig jaore
woont'r tösje os noe hiej
geer zalt uch noe waal vraoge
van wae zènge dao die veer
dat is gemekkelik te raoje
want ut is gaar heine kaoje
ut is de burgemeister hiej

burgemeister wool hae waere
dat waor ziene groate droum
ut leére deeg hae sjpeelentaere
faelder maakde hae nog koum
mae wiej hae doe aan moosj traeje
in grevenbich dao aan de maas
begoosj dao jeederein te baeje
en vroog zich mit wat veur raeje
kriege veer heij zònne baas

tweé jaor trök kaom hae nao sjènne
woort hiej ooze graote man
mit völ bravour kaom hae hiej bènne
wie eine burgemeister kan
mer ocherm hae haw gein weuning
allein de sexclub waor nog vrie
en wat is noe eine keuning
mit eine hoorekas es weuning
ooze loefe waor neet bliej.

en dus bleef hae sjtilkes plekke
in zien greevenbichter hoes
mae veer alle sjènner gekke
betaalden sjaon zien huur en hoes
de brandjwaer sjnapde zich de waage
en mejde haom ouch nog ut graas
nae de loef haw gaar gein klaage
zao get wol hae alle daage
maer veer keeke op os naas.

jao de loef leet zich neet kènne
door d'n ambras om 'm haer
de ambtenaere moosje wènne
want de loef dae jeug ze gaer
geuejt zich in 't gemeinschapslaeve
op recepties dan present
dan kump loefe hendje gaeve
is waal soms de beusj vergaete
mer, dan leént hae zich de cent.