Refrein:
Ich bin d'r Markies, d'r groeëtheer van 't Glaspalies,
d'r feodale heersjer va de sjtad.
Mit d'r politieke kak weët noe d'r kachel aagemak.
Joa, Heële geet aristocraties plat.
D'r Burger kan zieng ketting aa de wilge hange goa,
want goof 't noe Verkiezinge, ich zou 'm zoeë versjloa.
Ich bin d'r Markies, d'r groeëtheer van 't Glaspalies,
d'r feodale heersjer va de sjtad.

Woeë zint de gouwe tieje toch geblieëve, dat adel nog regeerde in de welt ?
Doe woeët me nog geboare in zieng funktie, dieng leëvesdoel per sjtamboom vasgesjteld.
Dat is mich hüjtsedaags toch waal get angesj, dat kan neet good goa, kiek mè um dich hin.
Bekiek wat democraties woeët gekoaze, ich meen mè, da vergeet dich toch d'r zin ?

Nè, geëf mich mer d'r prüketied va vreuger, d'r tied va kant en gespe op de sjoon.
Hüj weët de prük alling nog mè gedrage, durch platekop en vasteloaveskloon.
Nieks keëke in rumoerige debatte, mè fienbesjnoardheed en vöal retoriek.
Doe woeët alling mè sjnoeftoebak gesjnoave en houw me noeëts gehoeëd va proemesjiek.

D'r edelman sjteet boave de Partije, want adel, dat is ing Partij op zich.
't Blauwe blood, dat krüpt woa 't neet goa kan, en dat dat good geet ziet dier waal aa mich !