Refrein:
De ganse waereld maog weite
wie gelökkig dat ich bin.
Alle sjagrijn dae is pleite,
ich höb 't zoa nao miene zin.
Want hie in Beumerwald hie is de sjoanste carnaval.
Vraog mer wae-s te 't vraoge wils,
ich weit 't antwoord al.
De ganse waereld maog weite
wie gelökkig dat ich bin.

Höb ich de kaesjdiner achter de kieze
en de waffel van nuujaor gehad.
Is d'n tied veurbie van de drie wieze
en de boum truuk in d'n tuin gezat;
Dan trèk ich d'r op oet om op te laeve
mit eine lach van oar tot oar.
Veur eed're carnaval aan mich gegaeve
zing ich mit Beumerwald in koar:

Kumps doe op miene waeg, dan höbs te 't plekke,
ich bin fit, ich bin nog lang neet meug.
Loup de ganse tied mer tied te rekke,
dat geit minstens door tot mörgevreug.
De kèrktaore-klok die kriet mien zaege,
want ich blief op de boemeltoer.
Al kóm ich ongerwaeg de paosjhaas taege,
dan kiek ich nog neet op de oer.