Edere repetitie zitte ze dao
Altied op häör eige plekske
Ze kinne a lie sjtökker veur en nao
Caecile en Sef verheuge zich op elk sjoon trekske

En as de fanfaar door de sjtraote trekt
Dan marchere zuuj twee mit
Ederein kint häör en ederein wit wie 't zit
En zuuj zinge heel hel 'Wilhelmus“en
'Hij leve hoog in de Gloria'
Ze neume hem De Grote Vruntjelike Jozef en
Ze neume häör Sint Caecilia

En mit 't concours zote zuuj veuraan in de zaal
En nao elk nummer maakte zuuj 't meiste kabaal
En saoves ginge zuuj oppe sjouwers en
Waerde zuuj door de veurzitter geëerd
't Leek waal asof Caecile en Sef
Zelf ware gepromoveerd

En wie de fanfaar door de sjtraote trok
Marcheerde zuuj twee veuraan en
Jozef droog 't vaandel mit de nuje wimpel d'r aan
En ederein zong 'We are the Champions' en
'Lang zulle ze laeve in de Gloria'
Veur de Fanfaar, veur de Grote Vruntjelike Jozef en
Veur Sint Caecilia

Ederein waar blie
Wie Jozef weer nao de repititie kwoom
't Ganse orkes had zo mit dae man te doon
Ze zagte 'Veur geweun luuj is det al zwaor
Wie kumt zónne miens noe mit zo get klaor?'

Want wie de fanfaar door de sjtraote trok
Leep hae weer allein
De Grote Vruntjelike Jozef leek toen inins
Braekbaar en klein
't Koor zóng 'In Paradisum' en
Op sjpeciaal verzeuk veur hem toch de Gloria
Want de Grote Vruntjelike Jozef mós noe wiejer
Sónger zien Caecilia