De ierste dansles

Tekst: 
P. van Bree, Anny Everaerts & Jacques Everaerts
Muziek: 
P. van Bree, Anny Everaerts & Jacques Everaerts
Artiest: 
Triangel
Album: 
Triangel - 'Veur idderen daag wat' - Marlstone Recordings bv - CDL 9231
Plaats: 
Panningen

Ik weit ut nog zoe good, daen ierste kier.
Ik ging nao dansles wie einen hier.
Os mam deej mich nog gauw ut sliepske good,
en vroog nog hiel bezurgd of ik de zakdook neet vergoot.
Dao ging ik dan heer, wie zoel ut dao zien?
Wie zoel ut met mich gaon?
En beej de deur nog efkes met de kamp door de briljantien,
en dan nao binne, in de riej gaon staon.

Refrein:
Quick quick slow, quick quick slow, zoe begos de ierste les.
Quick quick slow, quick quick slow, och, wat deeje weej os bes.
Weej heele os verlaege vast, maar det had un gooie reeje,
Weej dachte allebei, `t is ongepas, um elkaar op de tien te treeje.
Quick quick slow, quick quick slow, zoe begos de ierste les.
Quick quick slow, quick quick slow, och, wat deeje weej os bes.

Den damesdans, det waas hiel gewaogd,
want stel dich veur jong, de woors gevraogd.
En kwaam der eemus toch op det idee,
dan meuste hiel veul hiere tegeliek nao de W.C.
Maar nao verlaup van thied, waas det veurbeej,
en vond ik ut zellufs fijn,
as dich mich kwaams haole veur de V`leta of de Jive,
of mei wat langzaam aan, hiel doen beejein.