Ich kóm oet Amsterdam en höb flink mótte sjeese,
euver de autowaeg, tjuu wat waor dat drök.
Neet normaal wie hèl ich höb mótte peeze.
't Hauw niks gesjaeld of ich reej emes van de sök.
Doe kris van mich eine gooje road.
Loester, angesj zèt ich tich op de sjtraot.
Sjei noe oet mit dat gejèn, omdat ich 'n oer te laat bèn.
Houw op, houw op, houw op, 't is de kal neet waerd.

Refrein:
Sjei noe oet mit dat gejèn, omdat ich 'n oer te laat bèn.
Houw op, houw op, 't is de kal neet waerd.
Ich höb mich vreis'lik mótte sjpooje, toch geis tich euver de rooje.
Houw op, houw op, 't is de kal neet waerd.
Maak tich neet zo dik, d'r is toch gaar niks aan de handj.
Höb neet zo'an lange sik, sjtaon neet metein in brandj.
Sjei toch oet mit dat gejèn, omdat ich 'n oer te laat bèn.
Houw op, houw op, houw op, 't is de kal neet waerd.

Doe laogs de ganse daag in de zón te bakke.
Coca cola mit bacardi en get ies.
Beukskes laeze, hèpke aete, nagels lakke .
De prinses van 't sjprookjesparadies.
Nog eine keer ontsjprings doe de dans.
Loester (good), doe kris dien allerlètste kans.
Sjei noe mit dat gejèn, omdat ich ' n oer te laat bèn.
Houw op, houw op, houw op, 't is de kal neet waerd.