De kenarie vanne buuëre

Tekst: 
Mark Bouwmans
Muziek: 
Marc Fonteyn
Artiest: 
Album: 
Plaats: 
Weert
Jaartal: 
1993

Refrein:
De kenarie vanne buuëre hieët de kolder inne bôl,
hae deut al dage niks as dânse.
Huuërtj hae d'n Tango, de Lambada, och, dan hieëte unne lôl.
Dao-naeve hultje auch van sjânse.
De Goudvès imponieërtj neet, dae zieet allein mer BOB.
Mer gluiftj mich, beej os naeve blutj un prille leefdje op.
Want Arie de Kenarie loonktj nao Riet, det oeës parkiet,
en now doon di-j twieë al dage niks as sjânse.

Oeës Riet es inne wôlke, ut es komplieët verleefdj,
op Arie oeëze buuërman, dae dânsj asj God beleeftj,
de stekskus uut de voeëgelkoeëj, int Frâns heitj det volière.
As Riet det zuût, dan fluitj ze bli-j, ze zuût um toch zoeë gaer.

Zoeë aafentôw moog Rietje de groeëte wérreldj in.
Dan es ut neet te hao-je, dan hieët ut echt gooj zin.
Ut fladdertj nao de voeëgelkoeëj, heej naeve inne hoeëf,
woeë Arie dânsendj op um wachtj, zoeë heit wee-j unne stoeëf.