Refrein:
Kiek dao kump de Kopere, now ziën we oet den brand.
Hae had gen gereidschap, zoe maar beej de hand.
Ôch det kan niks gaeve; hae kiek zich det ens aan.
Morge kump hae naeve; dan is 't van de baan.
Morge kump hae naeve; dan is 't van de baan.

Als ôch gaaspit neet miër brand of geit de lamp neet aan,
sprink van ôch iezer nog den band, dan stel ôch gaar neet aan.
Bel de Kopere efkes op; veurbeej is ogge strop.

Is béj ôch 't riool verstop, de waterleiding leek,
verleer direk neet ôgge kop en raak toch neet van streek.
De kopere, jao, 't is ierlik waor, dae mak ôch det klaor,
kump met hamer, loëd en bak, kiek ens, en zaet: tot Strak.

Blief de kraan aan 't dröppele, geit dae gaar neet toe,
gaot um gen laerke tippele, det gif hae dao béj toe.
Allein 't kômme en 't gaon raekent hae ôch aan.
Laerkes zeet géj nörges staon, dao kump 't neet op aan.