Refrein:
En al op det Munsterplein dao sjteit ein nuuj fontein.
Ein pómp, mer det is bluf, die gaar gein water guf.
Ein Kuupersmonument en auch ein frietetent,
Zo sjteit dao van alles biejein, dao op det Munsterplein.

Remunj, sjtedje van al mien druime,
doe zits mich zo deep in mien hert.
Mit al dien historiese plekskes:
de Wal en de Sjteeg en de Mert.
Maar ein plekske geit nooit nieks baove,
gein plekske det is t'r zo fijn.
Det ligk zo in 't midde van 't sjtedje,
mien aad Munsterplein.

En dan oze blaozers en zengers,
die gaeve dao somers kónzaer,
En al waat mèr aeve kan loupe,
Det trek dan gezellig dao haer
En es dich de ore dan toete
Dan geit me te vreje nao hoes,
En pak dan toet sjlot van de aovend
Ein täötje mit friet op de voes.