De Peel in brand

Tekst: 
Jack Poels
Muziek: 
Jack Poels
Artiest: 
Rowwen Hèze
Album: 
'Boem' - HKM
Plaats: 
America
Jaartal: 
1991

Toen ik nog hiel klein waas
en van ’t leave niks begreep
allien mar speulde, oot en sleep
toen ik nog zo klein waas
dat ik op de tiene mos goan stoan
um te kieke nar de moan
de witte streepe in de lucht
ge kneept ow oege half dicht
elke wolk waas ’n gezicht

en ’s aoves laat, de hoar nog naat
nog efkes en nar bed
de raam wiet oap, genne sloap
en d’n hemel waas veurroej
mist hing op ’t land
‘s oaves laat da stong de Peel in brand

ge kost oore droeme
ge waart d’n baas van iederien
vocht met de sterkste allien
langoet ligge in ’t graas
ge rookt d’n asfalt en de zwaj
als ’t pas gereagend haj
ge had ’t mar met ien ding druk
groeter weare, mar wat ge ok deed
echt veul alder woorte neet

en ’s aoves laat, de hoar nog naat
nog efkes en nar bed
de raam wiet oap, genne sloap
en d’n hemel waas veurroej
mist hing op ’t land
‘s oaves laat da stong de Peel in brand