De Vaan

Tekst: 
Jos Hanssen
Muziek: 
Jürgen Daemen
Artiest: 
De Patronaatsknöppele
Album: 
De Patronaatsknöppele - ' Lache is gezondj ' - Domi9902
Plaats: 
Elsloo
Jaartal: 
1999

Ich bèn biej de fanfaar en dao laup ich gans veuraan,
besjpeel ein hjèl sjwan instrument, ich draag de grwatte vaan.
En es veer in den optoch gaon, dan laup ich weer veurop,
kostuum mit gouwe knuip en ein patsj op miene kop.

Op vastelaoveszondig hauw ich ein bitje pech,
ich hauw de vaan weer veur mich en heel ze hjèl good rech.
Dao sjting mich eine proemebaum, 't waor jhèl gauw gebäört,
ich hing dao mit mien vaan in vas, ze waor mich gans geschäört.

De veurzitter, dae kaom debiej en woort gael greun en rwad:
'Oos antieke vaan kepot, dat weurt nog miene dwad.
Zeuk dich eemes wat ze maak, doe kumps nwats mjè veurop'.
En Gerda Bolle zag: 'Kom hiej, ich zaet ein sjtûkske drop'.

Ich höb ein sjtûk in mien vaan,
jao, jao, wie kom ich dao noe aan.
Ich höb ein sjtûkske in mien vaan,
en laup weer gans veuraan.