De vaer

Omdat ich zoa geweldig bin
krieg ich väöl complimente.
En pluimpjes dao grosseer ich in,
nog miè es in de cente.
De luuj die kieke op nao mich,
ze zègke: 'doe bis good!
Veer höbbe nog 'n vaer veur dich,
meh neet veur op d'n hood.'
Veer höbbe nog 'n vaer veur dich,
meh neet veur op d'n hood.'

Refrein:
Luuj, ich weit neet wie ich loupe mót,
mit die vaer, vaer, vaer in de …
Ouch 't zitte en 't liegke dat geit 'n bietje rot,
mit die vaer, vaer, vaer in de …
Jao, ich bin gruètsj op die vaer en veul mich miljonair,
meh zouws te wille vraoge: 'heij wo houws te ze gaer?'
Want ich weit neet wie ich loupe mót,
mit die vaer, vaer, vaer in de …

Ich houd van 'ne leuke sjtunt
en ouch van gekke fratse.
Meh jong, dit is 't hoagtepunt;
die vaer tössje de batse.
't Zjweit dat sjteit mich op de prie,
't jeuk mich en 't pietsj.
Ach, waor die vaer mich nondepie
mer langs de naas geglietsj.
Ach, waor die vaer mich nondepie
mer langs de naas geglietsj.