De vastelaovespatsj

Tekst: 
Bert Niesen & Gideon Custers
Muziek: 
Gideon Custers
Artiest: 
Breuker Boeb'n
Plaats: 
Hoensbroek

Baove op zölder, bie 'n ouw tant, loog in d'r hook 'n ouwe krant.
En nao get vouwe kaom dao op sjlaag, 'n gans sjoeën heudje vuer de daag.

Mer dan opins kint 't gebuere.
Al lupse in dien naksje prie.
En zuuste 100.000 kluere.
Mit zoeën patsj huerste d'r bie.

Refrein:
Mit vastelaovend let mer op, höb ich dae hood op miene kop.
Mit vastelaovend wil ich gaon, ich kin dan neet mie blieve sjtaon.
Mit vastelaovend let mer op, dan laup ich drie daag lang veurop,
want vastelaovend zonger patsj, is es 't laeve zonger kwatsj.

'n wolle mutsjke of bolle hood, jao ech alles sjteit mich good.
En 'nne valhelm of greun baret, dat past ech good bie mien jaquet.

Hie kinste ech nao gaon verlange.
Mit dizze patsj bin ich zoeë blie.
Onger dae hood bin ich te vange.
En höb ze neet mieë op 'n rie.

Vanaaf november bin ich de klos, dan gaon weer alle remme los.
Allein mit heudje zeuste mich gaon, nao carnaval is 't gedaon.

Dus wil'ste auch zo'n patsj gaon kaupe
En wil'ste alle daag vuurop
Dan hoofste echt neet lang te laupe
Vouw dan 'n krant op diene kop