Refrein:
Dit zeen de schoeënste daag, dit zeen de daag van vastelaoventj.
Dus plöktj noow ee'dre daag, vuuër de-jje 't wetj es mêrrege aoventj.
Jônk en aot di-j springe in de ri-j en ederein és bli-j.
Darum heb ich vör Uch mer einde raot:
di-j anger daag loupdjae mer in de maot.

De vastelaoventj kriebel, dae slieëtj beej os weer tow.
De vastelaoventj kriebel keumptj eder jaor opnow.
Det es de schoeënste tiêt, jao, minse det es waor.
Daovan krieëgdje geine spiêt eur keelke ligktj al klao ...

Ich hoaj zoeë gaer van fieëste, det doon ich toch zoeë gaer.
Soms gaon ich goot tampieëste en trek dan flînk van laer.
Huuer dao dan dae meziek, gaon ich oet miêne bôl,
veul ich mich dan auch zoeë riêk, mien hert det slieëtj op hôl ...