De waeg

Tekst: 
Gé Reinders
Muziek: 
Gé Reinders
Artiest: 
Gé Reinders
Album: 
De Radio-muskiet Liedjes
Plaats: 
Roermond

Fiets ins van Leve nao Asselt,
bie Asselter Haof sjleis se rechsaaf.
Pak dan geliek d'n eerste waeg links.
Dao geit 't effe bergop.
Dao baove sjtaon drie kesjtaanjelebuim en 'n kruuts.
Zit dich ins op die bank en kiek óm dich haer.

Refrein:
Want hie gaon ze-n 'm lègke, zègke ze,
hie mót d'r kómme, zègke ze.
Ze höbbe gewik en gewaoge, vanalles bedach.
Maar hie mót d'r waere gelag, det haet ze zelf gezag.

En fiets dan van Asselt nao Zjwame,
euver de Asseltersjtraot.
Veur 't sjpaor geis se links en ónger bie die buim rechs,
langs Genoenhaof mit die blauw-witte loeke.
Dao ónger sjtruimt de Zjwalm langs Naborg.
Zit dich ins op die brök en kiek óm dich haer.

Veurdeurdeilers houwe ze veur vief cent in de nek.
Op alles waert bezuinigd asof 't nieks verrek.
Is 't dan neet 'n heel klein bietje gek,
det ze de duurste waeg pakke op de sjoonste plek?

Refrein:
Maar nae, hie mót d'r kómme, zègke ze.
Want hie gaon ze-n 'm lègke, zègke ze.
Ze höbbe gewik en gewaoge, vanalles bedach.
Maar hie mót d'r waere gelag, det haet ze zelf gezag.