Mien mam die haet de kop los, en pap ein daakpan aaf.
Mien breurke zuut 't ummer zitte dae vindj alles gaaf.
Ich, ich ben ein kuuke, kakel in 't rondj
dan zoutste waal ens denke, kendj hauwd diene mondj.

Refrein:
Mer mit de vastelaovend daan val veer gaar neet op,
dan steit de ganse waereld, toch op ziene kop
Jao mit de vastelaovend deit neemes meer normaal
dan hauw veer op die kis, is alles sjiet egaal.

Mien oma haet eine vogel en opa vilt op blondj
mien tant en miene nonk oet Nuth verkleije hunne hondj
De buure gaon geer skieje al jaore aan ein stuk,
dan kenne veer remtempe jong wat ein geluk.

Ich hub auch vrunj in Heele die ken-ste neet versjtaon
die hubbe nooit mit carnaval mit os mit gedaon
en Miep die van hiej naeve, die mit dat rooie haor
die steit es stopleeg boete mer is ein graot gevaor.