Der pyama samba

Tekst: 
Rudi Videc
Muziek: 
Jan Theelen
Artiest: 
Klumpkes Blumkes
Album: 
' d'r Moelejan '
Plaats: 
Heerlen
Jaartal: 
1999

Refrein:
Ich dans der samba, in der pyama.
Mit der opa en de oma, der papa, de mamma.
Ich dans der samba, pyama-samba.
Wie die maedjes in Brasilia, bouw nieks aa, mehr in pyama.

Der vasteloavend koam der aa, mehr mich houw de belasting draa,
ze leete mich gaar ginne roeie cent, (olé !)
ja och de kleier woar ich kwiet,
gebuert mich um de zoëveul tied,
mar ja, ich raak der langsaam aa gewend. (olé !)
Mehr vasteloavend vier ich ja toch,
en han al get vuuër aa te doeë gekoch.

Der Joehan van de Emmasjtroat, deë hilt op dansles ginne moat,
en trampelt vrouwluuij ummer op de sjoon. (olé !)
Heë houw dat danse geer gelieërd,
mer tango walse is verkieërd,
der lieraar zach: 'Doa is nieks aa te doon'. (olé !)
Op inne oavend zoot heë beij zie bed,
der radio spieëlde der samba net.