's Morges, dan begint ut al hiel vruug,
nog veur det idderein zich good haet aafgedruug.
Dan mosse ens huure wie det geit.
Ze weite neet waor eure rommel steit.
En mam dink, ut zien lummels, maar met ein leef gezich.
As alle blaage waare net wie die van mich.

Want iddre mooder is gruuts op euren eigen blaag.
Zeej is det al vanaaf den alleriersten daag.
Ze zurge veur drukte en laeve um eur haer.
Toch haet mam eur blaage althied gaer.

Mam, wao leet dit en wao leet det.
En idderein dae vruugt 'krieg ik now de gazet?'
En is dan ut spitsoor weer veurbeej,
dan haet mam weer alles op de reej.
Dan dink zeej, ut zien lummels, maar met ein leef gezich.
As alle blaage waare net wie die van mich.

's Aoves laat is idderein weer dao,
en mam die druugt eur gauw de vot nog efkes nao.
En is dan daen toemel weer gedaon,
dan kin mam gerus de nach in gaon.
Dan dink zeej, ut zien lummels, maar met ein leef gezich.
As alle blaage waare net wie die van mich.