Refrein :
Dit és zoeë schoeën, baeter gaon vae ’t neet kriêge.
Heej dânsj ’t beer uch uut eur glaas, dowtj-e eur schoeëngeschmeenkdje naas
in zake di-j ’t laeve lekker make.
Dit és zoeë schoeën, niks hultj gekkigheid heej tieëge.
En vuuër asgoonsdig os vervaeltj, es de kook allang verdaeltj.
Hebbe vae same weer gelache, gezoonge, d’n tiêd uutgevroonge,
as léste ’t leecht uutgedaon.

Couplet 1:
Zeg kom mer binne, zeejje klaor vör 3 daag lôl,
dan zitdje good, want dét és heej.
Hetj dit gezellig drök of aafgelaje vôl?
’t Maaktj neet uut, kotj d’r mer beej.
Stoeëtj eure kop neet aan di-j heks z’n dikke toêt.
En schraveltj uch now neet de schmeenk hieël van eur snoeët
Oppe hook van ’t buffet, kujje staon, det gieët nog net
zoeë op ’t indj van ’t couplet.

Couplet 2:
Vanaaf de duuër tot aan de tap, ’t es ’n kerwe-j,
dét kosj uch minstes ’n keteer.
Waat maaktj ’t uut want hieël de kroeg hosj met uch me-j,
dés lekker wachte op eur beer.
Dit zeen de fieëstjes, jao zoeë hebbe vae ze gaer.
Gae raaktj de weeg heej kwiêt, deenktj “God woeë loup ich haer?”
Mér opeins, loonktj ’t buffet, gae besteldj, det gieët nog net
zoeë op ’t indj van ’t couplet.

Dit és zoeë schoeën, baeter gaon vae ’t neet kriêge.
Heej dânsj ’t beer uch uut eur glaas, dowtj-e eur schoeëngeschmeenkdje naas
in zake di-j ’t laeve lekker make.
Dit és zoeë schoeën, niks hultj gekkigheid heej tieëge.
En vuuër asgoonsdig os vervaeltj, es de kook allang verdaeltj.
Hebbe vae same weer gelache, gezoonge, d’n tiêd uutgevroonge, op taofels gestânge, de klown uutgehânge, as léste ’t leecht uutgedaon.

Dit és zoeë schoeën, baeter gaon vae ’t neet kriêge.
En vuuër asgoonsdig os vervaeltj, es de kook allang verdaeltj hebbe
vae same weer gelache, gezoonge, d’n tiêd uutgevroonge, op taofels gestânge,
de klown uutgehânge, gesjoenkeldj, genoeëte , ’t kroet hieël verschoeëte,
as léste ’t leecht uutgedaon.