Refrein:
Dit is d'n allerierste kier,
meh wel de sjoenste vaan mie leve.
En spreek iech oets mèt Slivvenier,
bedaank iech häöm veur wat heer heet gegeve.
Dit is d'n allerierste kier,
noe weit iech wat iech jaore höb gemis.
De krijgs m'ch mèt gein vief peerd oet Mestreech.
Iech bin 'n week laank oonderweeg...

Zie heel neet aon tradities dus ouch neet aon karnevel.
Daan góng ze liever skieje, sjiek en deur doen euveral.
Verkleije deeg ze neet en dee sjmink voont zie mér vies.
En hérremeniekes hei zien neet good wies.
Ze wouw mér huugstens einen aovend mèt.
D'n daag daonao sjreef zie in de gezèt.