Toees oppe zäölder staon völ buuële, groeet en klein,
mer 't es unne rotzooi bi-j ein.
Ich mot gaon ruuëme, ich weitj al un poees.
Daovör zeuk ich noow un doees.

Refrein:
'n Doees es alles um dae rotzooi in te doôn.
'n Doees vör klei-jer en aoj schoôn, jaeh.
'n Doees, 'n doees allein, det woor al zat.
'n Doees, heb ich leêver dan 'n krat.

Neet allein klei-jer, mer auch breêve en völ beuk,
slaopzek, gerdieene, aoj deuk.
Spuuëlgood en foto's, de Körstbieeldjegroep,
dju, waat heb ich toch 'ne troep.

Gesproeëke dael:
He-j euh...ich mot dich nog wat zegke, waat ich nog noeëts...
nog noeëts tieëge un anger doees, euh, ich bedoel un anger vrâwmes gezagtj heb.
Ich zeuk un doees, jah, ich zeuk un doees.
Jao, ut hooftj op zich neet zoeë un hieel groeete te zeen, asse der mer in päsj.
Gewoeen, zegk tieen beej tieen, 'n duuëske.

Woee ich auch bin, 'ch zeuk al un poees.
Ich hoof allein, ich zeuk allein:
Un doees, un doees, un doees!

Ich ging nao Zjaak tow, dae woeentj oppe Beêst:
'Zjaak, helleptj mich, mich astebleêfdj!!'
Zonger zoeën duuëske weit ich geine raod.
'ch Stong weer met lieeg hang oppe straot.