Refrein:
Doog mit, gaef door
Veer gaon d'r veur, veer doon hie alles same
Doog mit, gaef door
De vastelaovend is van ós allemaol
Mit dit geveul zeen veer in Limburg groatgebrach
Brèng dat euver mit diene breidste lach
't Is al eëuwelank 'n deil van ós besjtaon
Gaef 't wiejer, dat 't noats zal euvergaon

La-la-la, la-la-la, miljaar wie manjefiek, 't is ein wónjer
La-la-la, la-la-la, gaef 't wiejer, dat 't noats zal euvergaon

Es kleine sjnaak van zeve jaor
Sjtóng ich greuëtsj aan de kantj
De bóntje sjtoet dae trok veurbiej
Ich heel de pap zien handj
Hae gaof get door, dat veulde good
Mien hart dat ging tekeër
'n Heël apaart geveul
Dat sjmaakde nao väöl meër

Zoaväöl jaore later
Sjprèng ich in d'n optoch mit
En gaef gaer door aan miene sjnaak
Get wat 'r nog neet wèt
Dae kriebel, dat geveul
Wie de pap mich haet geleërd
Vastelaovend viers te same!
Get sjoanders geuf 't neet