Zeuktj inne kas of in ei laaj, gaontj ins de zolder op.
Kiektj nao ein feep; 't leefs ein aaj, ein pruuk of kolderkop.
Paktj uch ins op en sjloet de deur, vergaetj de trammelantj.
Weg mitte alledaagse sjleur, zitj zorge aanne kantj.

Refrein:
Driej daag zeen zoeë veurbiej, dus doontj ei bietje gek,
doontj ei bietje gek, doontj ei bietje gek.
Maaktj lol en maaktj plezeer, bön zeker neet te sjoew,
tis vastelaoventj noew.
Kiektj neet te nej, maaktj get lewej,
maakt gekke jen, doontj sjtómme kal,
waer of gein waer, mer waal hieël gaer,
tis vastelaoventj euveral.

Want vader geitj neet nao het werk, en mooder is verkletj.
Det blieftj se driej daag, det is sjterk en neemes dae thoeës itj.
De kinjer hoove neet nao sjoeël, zie lieëre het al good,
in Maerem, of in Oeël 't zitj häör in 't blood.