D'r haos van 'n flesj is gekreund mit d'r sjtop,
en kueninge drage 'n kroeën op d'r kop.
Geweun luuj hant mieëstens 'n kap of d't hood,
en platekop zage; de kap wuur dra sjood.
Hoezare hant berevelpot op de bier,
en kinger en gekke 'n mutsj va papier:

Refring:
Alaaf, Heële alaaf,
d'r Winkbuul deed dreej daag de mutsj neet mieë aaf.
Noe joebelt en danst en noe zingt en noe tult.
D'r wink in os sjtedje mit al wat zich bult.
Drum: alaaf, Heële alaaf,
die mutsj geet dees dreej daag neet aaf.

D'r tieëpot en och Sinterkloas hat 'n mutsj,
en hat deë 'n sjtriep i, da kriet die 'n bluts.
Os oma houw mieëstens d'r plak op d'r kop,
en doog vuur de mes 't kapotheudje op.
Op broelofte drieëg me 'n hoeëgzieje buus,
en sjoelkinger hant op d'r kop deks mar luus: