Refrein:
Joa, ich roop d'r ober, sjut nog mer 'ns in.
lch kin nog get höbbe, t'is pas 't begin joa, joa, joa.
Joa, ich roop d'r ober, want in 't Gebreuker landj,
löpt jieker kieër en sjlaag op sjlaag van alles oet de handj.

lch goong mit de familie mit oom carnaval te viere.
Ut drinke lukde neet zoeë good, ich moos 't nog get liere.
Mer noa 'n pils of drie kreeg ich d'r wiebel in de kneje,
en zakde doe hieël langsaam langs de tieëk aaf noa beneje.

Hae woar 'nne ganse sjieke hieër, oet de biste kringe,
tot dat ze mit un man of veer noa de vruikes ginge.
Hae durfde neet zoeë good en droonk zich doavuur un konjekske.
Un hoaf oer later koam hae neet mieë op va zien plekske.

D'r Wiel va op d'r hook, dae koam 't sjnachts om kwart op veer,
op heim aa mit om zich heer de loch va wien en beer.
Zien vruike sjtong doe in d'r gank mit eine matteklopper.
Wie hae doanoa veur pampes loog, zoong hae nog dizze topper.